Waše talenty su trjebne za lěpšy internet.
Mozilla jo za wše wužytna organizacija, kótaraž se za to zasajźujo, až internet wótwórjony a wabjecy wóstawa. A trjebamy wašu pomoc. Gaž se našomu zgromaźeństwoju pśizamkujośo, móžośo pomagaś, inowaciju pógóniś, zagronitosć a dowěru mócniś a internet k lěpšemu městnoju za kuždego cyniś.
Kak móžośo sobu pomagaś…
Wopśimjeśe pśełožyś
Internet jo jano globalny, gaž se wšuźi rozmějo. Pomagajśo nam produkty a websedła Mozilla do swójeje rěcy pśełožowaś.
Ku kodowej bazy Mozilla pśinosowaś
Pśinosujśo k wjele wuwijańskim móžnosćam, aby produkty Mozilla aktiwnje pólěpšył.
Indiwiduelne a organizacija zarědowanjow
Pomagajśo, wužywanje produktow Mozilla wólažcyś. Wótegrońśo na pšašanja luźi ako źěl forumow pomocy Mozilla zgromaźeństwa.
Pśizamkniśo se zgromaźeństwoju
Cośo w zgromaźeństwje Mozilla wěcej sobu źěłaś? Informěrujśo se wó móžnosćach za dobrowólniki w portalu našogo zgromaźeństwa.
Naša misija
Naša misija jo, zawěsćiś, až internet jo globalna zjawna resursa, kótaraž jo za wšych wótwórjona a pśistupna. Internet, kótaryž luźi napšawdu na prědne městno staja, źož jadne same mógu swójske dožywjenje wugótowaś a su społnomócnjone, wěste a njewótwisne.
Napórany wót zagórjonych luźi ako wy sćo
Gaž k Mozilla pśinosujośo, buźośo źěl zgromaźeństwa na cełem swěśe, ku kótaremuž luźe z cełego swěta słušaju, kótarež wěrje, až my wšykne rolu grajomy, aby zawěsćili, až internet móc za dobre wóstawa.
Wěrimy, až zgromadne źěło zgromaźeństwa jo rozsudne za napóranje wjelerakego, inowatniwnego a luźam rozpšawjenju winowatego interneta, kótarež jen nuznje trjebaju. Wšojadno lěc maśo technisku slězynu, něco w zgromaźeństwje organizěrujośo abo jadnorje licadło a tšochu wólnego casa maśo, móžośo nam pomagaś, internet k lěpšemu městnoju cyniś.