Cogodla wobstaraśo se Firefox za Chromebook?
W Chromebook jo Chrome južo pśedinstalěrowany, ale Firefox ako waš standardny wobglědowak ma hyšći někotare lěpšyny:
- Stawnje aktiwny slědowański šćit: Pó standarźe Firefox rozšyrjony slědowański šćit (ETP) wužywa, ay waše wósobinske daty pśed znatymi wabjeńskimi pśeslědowakami, socialnymi pśeslědowakami a skriptami kryptokopanja šćitał, kótarež wam pó interneśe slěduju.
- Njewótwisna technologija se pódpěra: Dokulaž nejwěcej wjelikich wobglědowakow něnto na Chromium funkcioněrujo, dajo mjenjej móžnosćow, kótarež do mašiny wjelikich technologiskich pśedewześow pśechadaju. Firefox se wót za wše wužytneje organizacije pódpěra a jo za to myslony, internet pólěpšowaś. Z Firefox buźośo jogo źěl.
Jo śěžko Firefox za Chromebook instalěrowaś?
My by se žycyli, aby mjenjej komplicěrowane było, ale waš Chromebook se pomina, was w ekosystemje Google Play wobchowaś. Myslimy se pak, až se proca zadanijo, wobglědowak Firefox do wašogo Chromebook instalěrowaś – a mamy resurse, wam pomagaś, jolic je trjebaśo. Dajo dwě móžnosći, z kótarymaž Firefox na waš rěd dostawaśo.
Instalěrujśo Firefox z wobchoda Google Play: pśi nowšych wersijach Chrome OS (na zakłaźe x86 Chromebook, kótaryž z Chrome OS 80 abo nowšy běžy), maśo móžnosć, nałoženje Firefox za Android instalěrowaś. Toś to nałoženje jo se wuwiło za mobilne rědy.
Instalěrujśo Firefox ako nałoženje Linux: Trjebaśo pótom mjenjej kšacow, ale se zadanijo. Gaž wobglědowak Firefox ako nałoženje Linux instalěrujośo, dostanjośo desktopowy wobglědowak Firefox a wšykne lěpšyny, kótarež ma, mjazy nimi pólěpšony slědowański šćit, zatwarjony zastojnik gronidłow, pśistup k tysacam dodankow (mjazy nimi wabjeński blokěrowak uBlock Origin) a drastwam, z kótarymiž móžośo naglěd swójogo wobglědowaka pśiměriś. Zgóńśo wěcej wó instalěrowanju desktopowego wobglědowaka Firefox za Chromebook.