Firefox napśeśiwo Google Chrome

Standardne nastajenja priwatnosći Firefox su wjele mócnjejše ako te nastajenja Chrome – a my mamy pśidatne funkcije, aby my websedłam zawoborali, wam slědowaś, na pśikład blokěrowanje palcowych wótśišćow a wašu wólbu dodankow za blokěrowanje wabjenja.

Pśeslědowaki pó standarźe blokěrujomy. Chrome to njecyni.

Zawěrno, pó standarźe Chrome doglědujo, ku kótarym websedłam se woglědujośo, a což cyniśo, aby mógał „wabjeńske temy“ identificěrował, aby wam zaměrnjejše wabjenje pśipósłał. Móžośo tśi temy blokěrowaś, ale njamóžośo tomu zajźował, až druge wabjeńske temy za was identificěruju. žrědło

Chrome drugim websedłam dowólujo, informacije wó was gromaźiś, aby wóne mógli wabjenje naraźiś. Móžośo wěstym sedłam zawoboraś wabjenje naraźiś, ale njamóžośo gromaźenjeju datow abo naraźenjam z drugich sedłow zajźowaś. žrědło

Google nejwětšu wabjeńsku seś swěta wuźaržujo, a Chrome jo źěl teje.

Dokulaž njetrjebamy akcionarje wobglucyś, móžomy se na to koncentrěrowaś, was wobglucyś a pśecej wašu priwatnosć a lěpšynu na prědne městno stajiś.

Jo lažko změniś

Móžośo lažko a malsnje k Firefox pśejś – importěrujśo swóje cytańske znamjenja Chrome, swóje gronidła, historiju a nastajenja z jadnym kliknjenim a buźośo ned gótowy, Firefox wužywaś. Cytajśo how kak móžośo wót Chrome do Firefox pśejś.