Firefox slědowanje pśez palcowe wótśišće blokěrujo
Co jo slědowanje pśez palcowe wótśišće?
Napóranje palcowych wótśišćow jo typ pśeslědowanja online, kótarež jo wěcej inwaziwne ako normalne pśeslědowanje na zakłaźe cookiejow. Digitalny palcowy wótśišć se napórajo, gaž pśedewześe jadnorazowy profil na zakłaźe wašeje kompjuteroweje hardware, software, dodankow a samo nastajenjow napórajo. Waše nastajenja ako wobrazowku, kótaruž wužywaśo, pisma, kótarež sćo instalěrował na swójo licadle, a samo webwobglědowak, kótaryž wužywaśo, daju se wužywaś, aby palcowy wótśišć napórali.
Jolic maśo powšyknje zwucony laptop, PC abo smartfon, móžo śěžčej byś, waš rěd z pomocu palcowych wótśišćow jadnoraznje identificěrowaś. Ale, šym wěcej jadnorazowe dodanki, pisma a nastajenja maśo, śim lažčej jo, až něchten was nejskerjej namakajo. Pśedewześa mógu toś tu jadnorazowu kombinaciju informacijow, aby waš palcowy wótśišć napórali. Togodla Firefox znate napóranje palcowych wótśišćow blokěrujo, aby mógał hyšći waše nejlubše rozšyrjenja, drastwy a pśiměrjenja wužywaś, bźez togo, aby wam wabjenje slědowało.
Slědowanje pśez palcowe wótśišće jo špatne za web
Praksa napóranja palcowych wótśišćow zmóžnja, was pó mjasecach slědowaś, samo gaž skład wobglědowaka prozniśo abo priwatny modus wužywaśo – njeźiwajucy na jasne pokazki, až njocośo, až něchten wam slědujo. Njeglědajucy na skóro dopołne dojadnanje mjazy standardami, gremijami a póbitowarjami wobglědowakow jo to napóranje palcowych wótśišćow jo škódne, jogo wužywanje we webje jo stawnje přiběrało w zajźonem dekaźe.
Firefox slědowanje pśez palcowe wótśišće blokěrujo
Nejnowšy wobglědowak Firefox wam pśed napóranim palcowych wótśišćow šćita. Blokěrujo napšašowanja tśeśich póbitowarjow na pśedewześa, kótarež su znate za wobźělenje na napóranju palcowych wótśišćow. Smy śěžko źěłali, aby toś ten šćit priwatnosći zmóžnili, bźez togo, aby websedła wobškóźeli, ku kótarymž se rady woglědujośo. (Cytajśo wěcej how, jolic cośo techniske drobnostki.)
A njedajo dłymoke nastajenje, kótarež musyśo wugrěbaś, aby jo namakał. W nejnowšem wobglědowaku Firefox jo blokěrowanje palcowych wótśišćow standard, standardne nastajenje. Woglědajśo se k swójej delce za šćit priwatnosći, aby wiźeł, kak wam za kulisami slěduju a kak Firefox tomu zajźujo.
Nejskerjej se wam njespódoba, gaž něchten wašym pógibam w napšawdnem žywjenju slědujo. Njedajo žednu pśicynu, to online akceptěrowaś. Jolic Firefox hyšći njamaśo, ześěgniśo jen a šćitajśo se pśed digitalnym napóranim palcowych wótśišćow.
