Wobźěłajśo PDF-dataje dermotnje z PDF-editorom Firefox

Jolic musyśo PDF-dokumentoju maśiznu pśidaś, móžośo to něnto z Firefox online cyniś. Wócyńśo PDF w Firefox a klikniśo na tłocašk Tekst abo Kresliś w rožku górjejce napšawo, aby změny na swójom dokumenśe pśewjadł. Ześěgniśo dataju, aby ju ze swójimi změnami składował.

Wupołniśo formulary online, bźez togo aby je śišćał a scannował

My wšykne smy napśisko stojali pśed tym: Musyśo formular wupołniś, kótaryž jo PDF, ale njedajo se wobźěłowaś. W zajźonosći jo była jadnučka móžnosć, jen na kus papjery śišćaś, wěcy z tintu pśidaś a pón jen slědk do wašogo licadła scannowaś.

Žednje wěcej! Wšykno, což musyśo něnto cyniś, jo, PDF z Firefox online wobźěłaś, jen składowaś a jen wót wašogo licadła z e-mailu słaś.

Tekst pśidaś

Wócyńśo PDF w Firefox. Klikniśo na tłocašk Tekst, aby barwu a tekstowu wjelikosć wubrał, nježli až wuběraśo, źo na dokumenśe cośo tekst pśidaś. Jo to tak lažko!

Pśidajśo kreslanki (abo swóju signaturu)

Wócyńśo PDF w Firefox. Klikniśo na symbol Kresliś, aby barwu, tłustosć a opacitu wubrał, nježli až móžośo pón na dokumenśe kresliś. To nejskerjej njejo njepórědnjejše ako waša zwucona signatura!

Wobraz z alternatiwnym tekstom pśidaś

Wócyńśo PDF w Firefox. Klikniśo na symbol Wobraz pśidaś a wobźěłaś, kótaryž was pón naspomina, wobraz nagraś. Pśiměŕśo pó pótrjebnosći wjelikosć a poziciju wašogo wobraza. Klikniśo na tłocašk „+Alternatiwny tekst“ na wobrazu, aby wopisanje fota pśidał, aby swój PDF pśistupnjejšy cynił.

Napórajśo wjerašk

Wócyńśo PDF w Firefox. Wubjeŕśo tekst, kótaryž cośo wuzwignuś, klikniśo pón na symbol Wuzwignuś, kótaryž se pód wuběrkom zjawijo abo klikniśo, aby móžnosć wuzwignjenja w kontekstowem meniju namakał. Klikniśo na symbol górjejce napšawo, aby wótrězki wuzwignjenja PDF jano z rukoma kreslił.