Synchronizacija wobglědowaka Firefox

Z Firefox móžośo tam pókšacowaś, źož sćo pśestał, gaž wót swójogo desktopowego licadła k swójomu mobilnemu telefonoju abo tabletoju pśejźotej. Firefox wam zmóžnja, waše cytańske znamjenja, wašu pśeglědowańsku historiju, waše gronidła a wěcej wiźeś, njeźiwajucy na rěd, kótaryž wužywaśo.

Registrěrujśo se za dermotne Konto Mozilla a móžośo swóje daty wšuźi synchronizěrowaś, źož Firefox a druge produkty Mozilla wužywaśo.

Wšykne waše daty se na našych serwerach koděruju, až njeby my mógli je cytaś – mamy jano pśistup k nim. Njepśedawamy wabjarjam waše informacije, dokulaž se to pśeśiwo našomu zlubjenjeju datoweje priwatnosći pśejšło.

Sćelśo rejtariki wót jadnogo rěda do drugego

Funkcija Rejtarik pósłaś w Firefox wam zmóžnja, boki z Firefox na jadnom rěźe na druge rědy (na pśikład iPhone, iPad abo rěd Android) słaś. Sćo namakał nastawk, mjaztym až na swójom telefonje pśeglědujośo, kótaryž cośo cytaś, gaž se k swójomu pisańskemu blidu wrośaśo? Abo wažny dokument ze źěła, kótaryž cośo składowaś, gaž se domoj wrośaśo? Sćo snaź namakał recept na swójom laptopje, kótaryž cośo na swój tablet w kuchni słaś. Sćelśo ten rejtarik!