Přidatki a rozšěrjenja wobhladowaka Firefox

Rozšěrjenja – tež jako přidatki Firefox znate – su přidatne funkcije, kotrež móžeće sćahnyć a instalować, zo byšće swojemu wobhladowakej wjace funkcionalnosće a dalše nastroje přidał. Přidatki wam zmóžnjeja, waš wobhladowak Firefox přiměrić a wašnje polěpšować, na kotrež web wužiwaće.

Su přidatki Firefox, kotrež tomu zadźěwaja, zo Facebook was po interneće přesćěhuje, tekst do druhich rěčow přełožuja, prawopis abo gramatiku kontroluja abo napohlad wašeho wobhladowaka porjeńšeja. Namakaće te a tysacy druhich darmotnych rozšěrjenjow na addons.mozilla.org.