Zrjadowak zapołožkow

Zapołožki su wotkazy, kotrež w swojim wobhladowaku składujeće, zo byšće so spěšnje a lochko k swojim najlubšim městnam w interneće dóstał. Firefox zručny zrjadowak zapołožkow wobsahuje, zo byšće móhł wšě swoje składowane wotkazy na wšěch wašich gratach synchronizować, organizować, přepytać a aktualizować.

Organizujće swoje zapołožki w přepytujomnych rjadowakach

Zběrajće swoje zapołožki w rjadowakach a přidajće jim znački z dalšimi podrobnosćemi. Móžeće tež swoje zapołožki sortěrować, zo byšće te zapołožki spěšnje namakał, kotrež trjebaće.

Image of the bookmark manager window in Firefox.

Zapołožki lochko importować

Móžeće swoje zapołožki z Chrome, Safari abo Edge z importowym asistentom Firefox importować. Klikńće prosće na Zapołožki > Zapołožki rjadować a wubjerće potom „Importować a zawěsćić“.

Wobraz dialoga importoweho asistenta Firefox, kotryž nastajenja za importowanje nastajenjow a datow z druhich wobhladowakow pokazuje.

Lajsta zapołožkow

Dóstańće spěšny přistup k swojim najlubšim zapołožkam w meniju horjeka w Firefox abo připniće je na swoju symbolowu lajstu.

Wobraz Firefox, kotryž zběrku zapołožkow w symbolowej lajsće horjeka we woknje wobhladowaka pokazuje.

Čińće wjace z Firefox

Wobstarajće sej spěšny, lochki wobhladowak z fokusom na priwatnosći, kotryž so wot powšitkowni wužitneje organizacije podpěruje a na wšěch wašich gratach funguje.