Firefox budźe dale a spěšniši

Kak so spěšnosć wobhladowaka měri?

Najdale wužity měrjenski nastroj za wukon wobhladowaka za měrjenje reakcijekmanosć webnałoženja je speedometer. Hačrunjež druhe nastroje za měrjenje wukona wobhladowaka eksistuja, je Speedometer 3 nowy standard za to, kak spěšnosć wašeho přehladowanskeho dožiwjenja měrimy. Najnowše testy dźensniši web lěpje reflektuja – dźěłaja z wizuelnje bohatymi diagramami, wobdźěłuja tekst, interagěruja z komplikowanymi a wobšěrnymi webstronami kaž sydła nowinkow – a měri połny wobraz wukona wobhladowaka.

Nowy test Speedometer 3 je prěni wulki test wobhladowakow, kotryž je so hdy přez zhromadne dźěło wuwił, kotrež so přez kóždy wulki wobhladowak podpěruje, z wužitkom za cyły web.

Kóždy dźeń spěšniši

Firefox so přez engine swětoweje klasy Gecko, ze smjerćspěšnym rysowanjom a wuhotowanjom stronow, modernymi funkcijemi JavaScript a ženje so njekónčacym přiwalom nowych wukonowych polěpšenjow, zo bychu naši wužiwarjo zbožowni wostawaja a so webplatforma doprědka ćěri.

Wšě wobhladowaki dyrbjachu polěpšenja přewjesć, zo bychu derje w testach noweho Speedometer 3 fungowali. Firefox předewšěm hoberske pokroki činješe, bu čujomnje spěšniši za našich wužiwarjow jako direktny wuslědk tutoho dźěła. Firefox je spěšniši hač hdy do toho, ze spěšnosću, kotruž móžeće woprawdźe čuć, inkluziwnje spěšniše začitanje stronow a łahodniše interakcije.

Za spěšniši web

Mozilla je zawjazany njepřestawajcy naš swójski wobhladowak kaž tež cyły web polěpšować. Tohodla smy do zhromadneho dźěła inwestowali, zo bychmy Speedometer 3 wuwiwali, kotryž ze swojeje strony wukon wšěch wobhladowakow polěpši. Kotryžkuli wobhladowak wuběraće, Mozilla chce, zo je spěšny.