Darmotny zrjadowak hesłow

Firefox waše wužiwarske mjena a hesła za přistup k websydłam wěsće składuje, zapisuje je awtomatisce za was, hdyž přichodny raz websydło wopytujeće a zmóžnja wam, waše składowane přizjewjenja z jeho zatwarjenej funkciju za rjadowanje hesłow rjadować.

Z darmotnym Konto Mozilla móžeće swoje hesła wěsće ze wšěmi gratami synchronizować. Maće tež přistup ke wšěm druhim produktam Mozilla, kotrež priwatnosć respektuja.

Awtomatiske wupjelnjenje hesłow za lochke přizjewjenja

Firefox móže waše składowane wužiwarske mjeno a hesło awtomatisce zapisać. Jeli maće wjace hač jedne přizjewjenje za sydło, móžeće prosće konto wubrać, kotrež chceće a my bjerjemy jo wot tam.

Hesła importować

Móžeće importowy asistent wužiwać, zo byšće wužiwarske mjena a hesła lochko (na magiske wašnje) importował, kotrež su w Chrome, Edge, Safari abo druhich wobhladowakach składowane. Wubjerće Hesła z menija a klikńće potom na „ je do Firefox importować“ deleka na stronje Přizjewjenja a hesła.

Ženje wjac wjacekróćne wužiwanje wašich hesłow

Dajće Firefox mócne, jónkróćne hesło wutworić, za kóžde přizjewjenje, kotrež w interneće wužiwaće – na tute wašnje, jeli so jedne z wašich hesłow přez wěstotnu dźěru wotkrywa, so jenož tute jedne konto wobwliwuje, druhe konta nic.

Warnowanja wo wěstoće hesłow

Firefox was warnuje, jeli je so hesło w datowej dźěrje wotkryło, zo byšće móhł jo změnić, prjedy hač hackerojo móžnosć maja, tajke kaž wotnajeće Lamba z wašej kreditnej kartu činić.