Je Firefox priwatny wobhladowak?

Haj. Firefox wašu priwatnosć z funkcijemi kaž priwatny modus škita. Zmóžnja wam, wašu přehladowansku historiju a hesła priwatne dźeržeć, samo hdyž grat wužiwaće, kotryž z druhimi ludźimi dźěliće, na přikład domjacy ličak abo iPad.

Firefox tež wašu priwatnosć z Polěpšenym slědowanskim škitom škita, zo by přesćěhowaki blokował, kotrež wam wot sydła do sydła slěduja a informacije wo wašich přehladowanskich zwučenosćach hromadźa. Wobsahuje tež škit před škódnymi skriptami a škódnej software.

Pódlanske přispomnjenje: Wulke technologiske předewzaće njejsmy. Činimy wěcy hinak. Smy njewotwisni (žani akcionarojo) a to nam zmóžnja, ludźi na prěnje městno stajić, nad profitom. Na rozdźěl wot druhich předewzaćow přistup k wašim datam njepředawamy.

Kotre informacije Firefox hromadźi?

Mozilla (zhotowjer Firefox) priwatnosć jara chutnu bjerje. Jara chutnu. Woprawdźe, kóždy produkt Firefox, kotryž zhotowjamy, naše wosobinske datowe slubjenje honoruje: Wozmiće mjenje. Dźeržće jón wěsty. Žane potajnstwa.

Čitajće priwatnu zdźělenku Firefox za dalše informacije. Chutnje, čitajće ju. Pismo ma normalnu wulkosć a wjele druheho.