Firefox vs. Google Chrome

Ils parameters predefinids per la protecziun da datas da Firefox èn bler pli ferms che quels da Chrome – e nus avain ulteriuras funcziuns per impedir che websites ta fastizeschian, p.ex. la bloccada dad improntas, sco era supplements per bloccar reclamas che stattan a tia disposiziun.

Nus bloccain fastizaders gia en la configuraziun predefinida. Chrome na fa betg quai.

Igl è perfin uschia che Chrome survegliescha sco standard tge websites che ti visitas e tge che ti fas. Quai als pussibilitescha dad identifitgar «temas da reclama» e da ta trametter reclamas individualisadas. Ti pos bloccar trais temas, ma ti na pos betg impedir ch’els tschertgian auters temas da reclama per tai. funtauna

Chrome permetta ad autras websites da rimnar infurmaziuns davart tai per ch’els possian mussar reclamas. Ti pos evitar che websites specificas possian mussar reclamas, ma ti na pos betg impedir la collecziun da datas e na pos betg evitar che autras websites mussian reclamas. funtauna

Google gestiunescha la rait da reclama la pli vasta dal mund e Chrome fa part da questa rait.

Cunquai che nus na stuain betg cuntentar acziunarias ed acziunaris, pudain nus ans focussar sin tia cuntentezza e dar la prioritad a tia sfera privata ed a tes basegns.

La midada è simpla

Da midar a Firefox è simpel e svelt: importescha tes segnapaginas, tes pleds-clav, tia cronologia e tias preferenzas da Chrome cun in clic e ti es immediat pront per utilisar Firefox. Ve a savair co midar da Chrome a Firefox.