FAQ da Firefox

Tge è Firefox?

navigatur Firefox è l'unic navigatur pli grond, sustegnì dad in'interpresa senza finamira da profit che na venda betg tias datas persunalas a firmas da reclama. Il medem mument gida el da proteger tias datas persunalas. T'infurmescha davart ils Navigaturs Firefox ed auters products.

Co survegn jau il navigatur Firefox?

Ti pos simplamain telechargiar il navigatur Firefox per computers desktop qua. Firefox funcziuna sin apparats da Windows, Mac e Linux e stat era a disposiziun per Android ed iOS. Fa la segira che ti telechargias noss navigatur dad ina da las paginas fidadas da Mozilla/Firefox.

È Firefox gratuit?

Gea! Il navigatur Firefox è gratuit. E liber. I na dat nagins custs zuppads e sumegliant. Per l'utilisaziun na stos ti pajar nagut e nus na vendain era betg tias datas persunalas.

È Chrome meglier che Firefox?

Na, nus na crajain betg che Chrome saja meglier che Firefox e quai è il motiv: Sch'insatgi dumonda tgenin navigatur che saja il meglier, vul la persuna atgnamain savair tgenin navigatur che saja il pli svelt ed il pli segir. Firefox vegn actualisà mintga mais per far la segira che ti hajas il navigatur il pli svelt che respecta automaticamain tia sfera privata.

Legia la cumparegliaziun da Firefox cun Chrome.

È Firefox segir per telechargiar?

La protecziun da tia sfera privata è nossa emprima prioritad. Nus garantin che l'installaziun da Firefox sin tes apparats è absolutamain segira – ma fa la segira che ti telechargias noss navigatur dad ina website fidabla da Mozilla/Firefox sco nossa pagina per telechargiadas.

È Firefox segir?

Firefox n'è betg mo segir per utilisar, el gida era da segirar tias datas ed infurmaziuns privatas. Il navigatur Firefox blochescha automaticamain ils fatizaders enconuschents da terzas partidas, fastizaders da medias socialas, criptominiers ed improntaders ed impedescha che quels ramassian tias datas. Ulteriuras infurmaziuns davart la protecziun da datas en noss products.

Venda Firefox tias datas persunalas?

Na. Quai n'avain nus ni fatg en il passà ni vegnin nus a far quai en l'avegnir. Anzi – nus ta protegin da blers incumbensaders da reclamas che han questa intenziun. Ils products da Firefox èn concepids per proteger tia sfera privata. Quai è in'empermischun.

Pertge è Firefox uschè plaun?

Firefox n'è betg plaun… almain ozendi betg pli. L'onn 2017 avain nus restructurà cumplettamain il motor da noss navigatur (numnà Quantum) per far la segira che Firefox possia tegnair pass cun ils auters navigaturs pli gronds sin il martgà. Ultra da quai gidan nossa bloccada da fastizaders da chargiar anc pli svelt las paginas-web. Quai vul dir che Firefox è svelt sco ina frizza senza far cumpromiss en connex cun tia sfera privata.

Sa basa Firefox sin Chromium?

Firefox na sa basa betg sin Chromium (il project open-source che furma la basa da Google Chrome). Per propi essan nus in dals davos navigaturs pli gronds per ils quals quai n'è betg il cas. Firefox funcziunescha sin noss motor Quantum, sviluppà aposta per Firefox da maniera che nus pudain garantir che tias datas vegnian tractadas cun respect e restian privatas.

Utilisescha Firefox Google?

Google è la maschina da tschertgar da standard en Firefox. Quai munta che ti pos far retschertgas en il web directamain via la trav d'adressas. T'infurmescha davart las preferenzas da la maschina da tschertgar e la modificaziun da configuraziuns predefinidas.

Ha Firefox ina VPN integrada?

Firefox na dispona betg dad in VPN (virtual private network) integrà, ma Mozilla porscha in product cun il num Mozilla VPN che ti pos utilisar supplementarmain sper il navigatur discret navigatur Firefox. Questa purschida protegia tia connexiun via WLAN, sco era tia adressa IP.

Tgi è il proprietari da Firefox?

Firefox vegn sviluppà da la Mozilla Corporation, ina societad affiliada che appartegna per tschient pertschient a l'organisaziun senza finamira da profit Mozilla Foundation, e s'orientescha als princips dal Manifest da Mozilla. T'infurmescha qua davart ils realisaturs da Firefox.