Anc dapli pussaivladads grazia a videos che restan adina davantvart

Has ti bler da far e vulessas guardar videos al medem mument? Cun la funcziun maletg-en-maletg da Firefox pos ti far tut en ina. Ti pos statgar in video da sia pagina-web e fixar quel sin tes visur da maniera che ti vesas il video durant che ti visitas autras paginas-web ed utiliseschas auters tabs ed autras applicaziuns.

I funcziuna suandantamain:

1. Fa ir x in video en tes navigatur Firefox, per exempel quest qua.
2. Clicca sin il buttun maletg-en-maletg che cumpara sin il video per al avrir en ina fanestra separada.
3. Fa in gir e guarda en tes auters tabs u banduna schizunt Firefox. Il video resta nua ch'el è!
4. Repeta ils pass 1-3 per vesair tants videos maletg-en-maletg sco ti vuls.

3 ulteriuras pussaivladads dad utilisar maletg-en-maletg

Taidla in referat u participescha a sesidas e fa notizias al medem mument

Guarda in video cun in recept durant che ti cuschinas

Divertescha tes giats, chauns ed uffants entant che ti fas tia lavur