Firefoxعمومی سوالات

Firefox کیا ہے؟

Firefox براؤزر او کلھا وݙا براؤزر ہے جینکوں غیر منافع بخش دی حمایت حاصل ہے جیڑھا تہاݙی ذاتی معلومات دی حفاظت وِچ مدد کریندے ہوئے مشتہرین کوں تہاݙا ذاتی ڈیٹا نہیں ویچیندا۔ Firefox براؤزرز تے ٻیاں بݨتراں دے بارے ودھیک ڄاݨو۔

میں Firefox براؤزر کین٘ویں گھن سڳداں؟

تساں آسانی نال Firefox ڈیسک ٹاپ براؤزر کوں اتھوں ڈاؤن لوڈ کر سڳدے او۔ Firefox Windows تے کم کریندا ہے۔ Mac تے Linux آلات تے Android تے iOS کیتے وی دستیاب ہے۔ یقینی بݨاؤ جو اساں تہاݙے قابل اعتماد Mozilla / Firefox ورقیاں وِچوں کہیں ہک کنوں اساݙا براؤزر ڈاؤن لوڈ کریندے پئے او۔

بھلا Firefox مفت ہے؟

جیا! Firefox براؤزر مفت ہے۔ سپر مفت، سہی سچ۔ کوئی ڳجھے اخراجات یا کجھ کائنی۔ تساں اینکوں استعمال کرݨ کیتے کجھ وی ادا نہیں کریندے او، تے اساں تہاݙا ذاتی ڈیٹا نہیں ویچیندے۔

بھلا Firefox کنوں Chrome چنگیرا ہے۔

کائناں، اساں نہیں سوچیندے جو Chrome Firefox کنوں بہتر ہے، تے ایہا وجہ ہے: جݙاں لوک پچھدے ہن جو کیڑھا براؤزر بہتر ہے، تاں او واقعی پچھدے پئے ہن جو کیڑھا براؤزر تکھا ہے تے زیادہ محفوظ Firefox کوں ماہانہ اپ ڈیٹ کیتا ویندا ہے تاں جو ایہ یقینی بݨایا ونڄ سڳے جو تہاݙے کول تکھا براؤزر ہے جیڑھا آپوں ڄاݨ تہاݙی رازداری دا احترام کریندا ہے۔

ݙیکھو کین٘ویں Firefox مقابلہ کریندےChrome.

بھلا Firefox ڈاؤن لوڈ کرݨ کیتے محفوظ ہے؟

تہاݙی رازداری دی حفاظت اساݙی پہلی ترجیح ہے، تے اساں ایں ڳالھ کوں یقینی بݨیندے ہیں جو تہاݙے آلات تے Firefox انسٹال کرݨ مکمل طور تے محفوظ ہے — پر ہمیشاں ایہ یقینی بݨاؤ جو تساں کہیں قابل اعتماد سائٹ Mozilla / Firefox کنوں ڈاؤن لوڈ کریندے پئے او، جیویں اساݙا ڈاؤن لوڈ ورقہ۔

بھلا Firefox محفوظ ہے؟

نہ سکھݨا Firefox استعمال کرݨ کیتے محفوظ ہے، بھل ایہ تہاݙے ڈیٹا تے نجی معلومات کوں محفوظ رکھݨ وِچ وی مدد کریندا ہے۔ Firefox براؤزر آپوں ڄاݨ ڄاتے سنڄاتے تریاکل ٹریکرز، سوشل میڈیا ٹریکرز، کرپٹومائنرز تے فنگر پرنٹرز کوں تہاݙا ڈیٹا کٹھا کرݨ کنوں روکیندا ہے۔ اساݙے بݨتراں وِچ رازداری دے بارے ودھیک ڄاݨو۔

بھلا Firefox تہاݙا ذاتی ڈیٹا وچیندے؟

کائناں، کݙاہیں کائنی، کݙاہیں نہ ہوسے۔ تے اساں تہاکوں ٻہوں سارے مشتہرین کنوں محفوظ رکھیندے ہیں جیڑھے ایویں کریندے ہن۔ Firefox بݨتراں تہاݙی رازداری دی حفاظت کیتے بݨایاں ڳیا ہن۔ ایہ ہک وعدہ ہے۔

Firefox ݙاڈھی مٹھی کیوں ہے؟

Firefox سست کائنی… ہݨ۔ 2017 وِچ، اساں اپݨے براؤزر انجݨ کوں مکمل طور تے دوبارہ بݨایا (جینکوں Quantum آکھیا ویندا ہے) ایں ڳالھ کون یقینی بݨاوݨ کیتے تے Firefox ٻئے وݙے براؤزرز دا مقابلہ کر سڳے۔ تے، اساݙے ٹریکر بلاکرز ورقیاں کوں ودھیک تکھاجی نال لوڈ کرݨ وِچ مدد کریندے او۔ لہذا Firefox تہاݙی کہیں وی رازداری دی قربانی دے بغیر تیز رفتار ہے۔

بھلا Firefox، Chromium تے مبنی ہے؟

Firefox Chromium تے مبنی کائنی (Google Chrome دے ڳڑھ اِچ اوپن سورس براؤزر پروجیکٹ)۔ درحقیقت، اساں چھیکڑی وݙے براؤزرز وِچوں ہک ہن جو کائنی۔ Firefox اساݙے کوانٹم براؤزر انجݨ تے چلدا ہے جیڑھا خاص طور تے Firefox کیتے بݨایا ڳیا ہے، ایں سانگے اساں ایں ڳالھ کوں یقینی بݨا سڳدے او جو تہاݙے ڈیٹا کوں احترام دے نال ہینڈل کیتا ونڄے تے نجی رکھا ونڄے۔

بھلا Firefox ، Google ورتیندے؟

Google Firefox وِچ ڈیفالٹ سرچ انجݨ ہے، جیندا مطلب ایہ ہے جو تساں ایڈریس بار کنوں براہ راست ویب تے ڳول کر سڳدے او۔ سرچ انجݨ دیاں ترجیحاں تے ڈیفالٹس کوں تبدیل کرݨ دے بارے وِچ ودھیک ڄاݨو۔

بھلا Firefox وچ بلٹ ــ ان وی پی این ہوندے؟

Firefox وِچ بِلٹ اِن وی پی این (ورچوئل پرائیویٹ نیٹ ورک) کائنی، پَر Mozillaہِک پراڈکٹ بݨین٘دا ہِے Mozilla VPN جیکوں تُساں نجی براؤزر Firefox براؤزر کنوں ان٘ج استعمال کر سڳدے ہِیوے جہڑا وائی فائی اُتّے تُ٘ہاݙے کنکشن دے نال نال تُہاݙے آئی پی پتے دی وی راکھی کر سڳدا ہِے۔

Firefox دا مالک کوݨ ہے؟

Firefox کوں Mozilla Corporation بݨایا ہے، جیڑھا غیر منافع بخش Mozilla Foundation مکمل ملکیتی ذیلی کمپنی ہے تےMozilla مینی فیسٹو دے اصولاں نال رہنمائی کریندا ہے۔ Firefox دے بݨاوݨ والے دے بارے وِچ ودھیک ڄاݨو اتھاں۔