Windows کیتے Mozilla VPN ڈاؤن لوڈ کریندا پئے ۔۔۔

جیویں جو روز ݙیہاڑے دی حیاتی دا وَدھ حِصّہ انٹرنیٹ دے ذریعے تِھین٘دا ہِے، آن لائن پرائیویسی اَتے سیکیورٹی ٻئی وی اہم تھی وین٘دی ہِے۔ ہِک ورچوئیل پرائیویٹ نیٹ ورک، تُہاݙی ڈیوائس اَتے انٹرنیٹ دے وِچالے ہِک انکرپٹڈ چُر بݨین٘دا ہِے، اِیں ڳالھ دا پَک کرین٘دا ہِے جو تُہاݙا کنکشن محفوظ اَتے نجی رہوے جݙاں جو تُہاکوں ݙُو اہم طریقیاں نال تحفّظ فراہم کِیتا ون٘ڄے:

1. آپݨاں اصلی آئی پی پتہلُکاوݨ۔ ایہ تہاݙی سُن٘ڄاݨ دی حفاظت کریندے تے جہڑیاں ویب سائٹاں تے تساں ویندے ہو انہاں دا مقام دھندلا کریندے۔
2. تُہاݙی انٹرنیٹ ٹریفک کوں خُفیہ کرݨ: تاں جو تار اُتّے موجود کُئی وی تُہاݙی آن لائن سرگرمی دی جاسوسی نہ کر سڳے۔

Mozilla VPNٹول بار اَتے ایپلیکیشن دی ہوم سکرین ݙُون٘ہائیں وِچ آپݨی موجودہ حالت دے بصری اشارے ݙِکھلین٘دا ہِے، اِیہ ڄاݨن سَوکھا بݨین٘دا ہِے جو بَھلا تُہاݙی آن لائن سرگرمی محفوظ ہِے یا کائناں۔ اِیہ اِشارے تُہاکوں اِیں ڳالھ دی تصدیق کرݨ دی اجازت ݙین٘دے ہِن جو تُہاݙا نیویگیشن کہڑیلے نجی اَتے محفوظ ہِے۔ ٻِیا اِیہ جو، جُڑݨ دے وِچالے، تُساں اِیں ڳالھ دے پَک کِیتے https://monitor.mozilla.org/اُتے ون٘ڄ سڳدے ہِیوے جو بَھلا تُہاݙا آئی پی پتہ لُکّیا ہوئیا ہِے۔ ودھیک معلومات کِیتے، تھورائیت کرین٘دے ہوئے میں کیویں ݙَسا سڳدا ہاں جو بَھلا Mozilla VPNنَتّھی ہِے؟ ݙیکھو۔

ݙُوجھی ڈیوائس رلاوݨ اِتّی اِی سَوکھا ہِے جِتّی جو Mozilla VPNسافٹ ویئر کوں ڈاؤن لوڈ اَتے انسٹال کرݨ اَتے وَل نویں ڈیوائس اُتے موجودہ Mozilla کھاتہوِچ سائن اِن کرݨ۔ وَدھیک معلومات کِیتے، تھورائیت کرین٘دے ہوئے آپݨی Mozilla VPNسبسکرپشن وِچ ڈیوائساں کیویں پاؤں ݙیکھو۔

ڄیکر تُہاݙا مقصد تِکّھی رفتار کوں برقرار رکھین٘دے ہوئے آپݨے انٹرنیٹ دی راکھی کرݨ ہِے، تاں اِیہ ہمیشاں چَنڳا ہِے جو سرور دی جاء چُݨو جو تُہاݙی جسمانی جاء دے جِتّی ممکن تھی سڳے نیڑے ہؤوے۔ اِین٘دے نال تُہاݙے کنکشن دی ریلائیبلٹی اَتے رفتار وِچ وَدھارا تھیسی کیوں جو تُہاݙے انٹرنیٹ ٹریفک کوں ویب اُتے آپݨی مطلوبہ منزل اُتے پُڄّݨ کنوں پہلاں کُئی خاص چکّر لاوݨ دی لوڑ نہ ہوسی۔

ڄیکر تُہاݙا مقصد انٹرنیٹ دا تجربہ کرݨ ہِے یعنی تُساں دُنیاں دے کئیں ٻئے حِصّے وِچ ہِیوے، تاں تُساں اُتّھاں سرور دی جاء چُݨ سڳدے ہِیوے اَتے تُساں جہڑیاں وی ویب سائٹاں ڈیہدے ہِیوے اُتے اِیویں ظاہر تِھیسِن جیویں تُساں اُتّھاں موجود ہؤو۔

ڄیکر تُساں آپݨے آپ کوں ٻِیا محفوظ بݨاوݨاں چاہن٘دے ہِیوے، تاں تُساں ترتیباں > پرائیویسی خاصیت اُتے ون٘ڄ تے اشتہار، ایڈ ٹریکرز اَتے مالویئر دے خلاف تحفظات کوں فعال کر سڳدے ہِیوے۔ تھورائیت کرین٘دے ہوئے نوٹ کرو جو اِیہ کُجھ ویب سائٹاں دے تُرُٹّݨ یا لوڈ نہ تِھیوݨ دا سبب بݨ سڳدا ہِے، تَہُوں ڄیکر تُساں اِیں مسئلے نال ٹکرا وین٘دے ہِیوے تاں تُہاکوں اِنّھاں تحفظّاں کوں عارضی طور تے غیر فعال کرݨ دی لوڑ پے سڳدی ہِے۔

اَخِیر وِچ، معاون ڈیوائساں اُتے، تُساں وی پی این نال کُجھ ایپس (مثال دے طور تے نیٹفلکس) کوں خارج کر کے وی پی این کوں ٻِیا وی چَنڳا بݨا سڳدے ہِیوے۔

تُساں ترتیباں وِچ > مَدَت حاصل کرو > معاون نال رابطہ کر کے براہِ راست Mozilla VPN ایپلیکیشن نال اَساݙے معاون جَتّھے نال رابطہ کر سڳدے ہِیوے۔ تُساں اَساݙے نال اَساݙے معاون ورقے اُتے وی رابطہ کر سڳدے ہِیوے۔