Мудири ройгон барои идораи ниҳонвожаҳо

Браузери «Firefox» номҳои корбарон ва ниҳонвожаҳои шуморо барои пайдо кардани дастрасӣ ба сомонаҳо ба таври бехатар нигоҳ медорад, ҳангоми аз нав кушодани сомона, онҳоро барои шумо ба таври худкор пур мекунад ва ба шумо имкон медиҳад, ки воридшавиҳои нигоҳдошташудаи худро бо хусусияти дарунсохти идоракунии ниҳонвожаҳо идора кунед.

Бо истифодаи ройгон аз «Ҳисоби «Mozilla»» шумо метавонед ниҳонвожаҳои худро дар байни ҳамаи дастгоҳҳои худ ҳамоҳанг созед. Шумо, инчунин, метавонед ба ҳамаи маҳсулоти дигари марбут ба махфияти иззатманди «Mozilla» дастрасӣ пайдо намоед.

Барои воридшавиҳои осон ниҳонвожаҳо ба таври худкор пур мешаванд

Браузери «Firefox» метавонад номи корбар ва ниҳонвожаи нигоҳдоштаи шуморо ба таври худкор пур кунад. Агар шумо барои сомона зиёда аз як воридшавӣ дошта бошед, шумо метавонед танҳо ҳисоби лозимаро интихоб кунед ва мо онро аз он ҷой мегирем.

Ворид кардани ниҳонвожаҳо

Шумо метавонед барои ба таври осон (афсонавӣ) ворид кардани номҳои корбарон ва ниҳонвожаҳое, ки дар «Chrome», «Edge», «Safari» ё ҳар гуна браузери дигар нигоҳ дошта шудаанд, аз устоди воридот истифода баред. Аз менюи асоси бахши «Ниҳонвожаҳо»-ро интихоб кунед ва сипас дар поёни саҳифаи «Воридшавиҳо ва ниҳонвожаҳо» имкони воридкунии онҳо ба браузери «Firefox» зер кунед.

Ниҳонвожаҳои худро такроран истифода набаред

Ба браузери «Firefox» иҷозат диҳед, ки барои ҳар як ҳисоби шумо дар Интернет ниҳонвожаи мустаҳкаму беназиреро эҷод намояд — бо ин роҳ, агар яке аз ниҳонвожаҳои шумо ба сабаби вайроншавӣ дар низоми амниятӣ ошкор шавад, танҳо ҳамон як ҳисоб зери хатар мемонад, на ягон ҳисоби дигари шумо.

Огоҳиҳои амниятӣ дар бораи ниҳонвожаҳо

Браузери «Firefox» шуморо огоҳ мекунад, агар ниҳонвожаи шумо ба сабаби рахнаи амниятӣ ошкор шуда бошад, то шумо тавонед онро пеш аз он ки ҳакерҳо, масалан, барои иҷораи мошини «Ламборҷини» бо корти кредитии шумо истифода баранд, иваз намоед.